«Қазатомөнеркәсіп» ұлттық атом компаниясы» акционерлік қоғамы (бұдан әрі – «Компания», «Қазатомөнеркәсіп» немесе «Қазатомөнеркәсіп» ҰАК» АҚ) 2023 жылғы 6 сәуірде Астана қаласында өткен Компанияның Директорлар кеңесінің («Директорлар кеңесі») кезекті отырысының нәтижелері туралы хабарлайды. Директорлар кеңесі бірқатар шешімдер мен ұсынымдар қабылдады, соның ішінде Компания акционерлерінің жылдық жалпы жиналысын өткізу мерзімдері мен форматы, 2022 жылдың қорытындысы бойынша акционерлерге дивидендтер төлеу мөлшері мен мерзімдері және 2022 жылғы интеграцияланған жылдық есепті бекіту туралы. Сондай-ақ, Директорлар кеңесі қазіргі геосаяси жағдайды және Компанияның қызметіне әсер етуі мүмкін сын-қатерлерді талқылады.
«Уран мен ядролық отынның экспорты мен импорты бойынша жария компания және ұлттық операторы - Қазатомөнеркәсіп 25 жылдан астам уақыт бойы, әсіресе, бұрын-соңды болмаған жаһандық экономикалық белгісіздік пен елеулі геосаяси оқиғалар жағдайында сенімді және жауапты өнім беруші ретінде өзінің сала көшбасшысы мәртебесін растай отырып бизнесті табысты жүргізіп келеді», - деді Қазатомөнеркәсіп Басқарма төрағасы және Директорлар кеңесінің мүшесі Ержан Мұқанов.
Қазатомөнеркәсіп - әлемдегі ең ірі уран өндіруші, оның үлесіне 2022 жылы табиғи уранның әлемдік бастапқы өндірісінің шамамен 22% - ы тиесілі болды. Топ 14 уран өндіретін активтерді біріктіреді, олардың 12-сі әлемдегі жетекші атом компанияларымен бірлескен кәсіпорындар болып табылады. Бизнестің барлық аспектілерінде экология, әлеуметтік жауапкершілік және корпоративтік басқару (ESG) саласындағы халықаралық стандарттарға сәйкес өнім сапасына қойылатын ең жоғары талаптардың сақталуы іс жүзінде БҰҰ-ның 2022 жылғы жаһандық шартына қосылу және S&P Global халықаралық агенттігінен рейтинг алу арқылы расталады. Компанияда көміртегі бейтараптығына қол жеткізуге, өндірістің қауіпсіздігін және қызметкерлеріміздің әлеуметтік әл-ауқатын арттыруға бағытталған бірқатар негізгі бастамаларды енгізу қоршаған ортаға ең аз әсер ете отырып өндірілетін қазақстандық уранның әлемнің кез келген басқа нүктесінде өндірілген материалдан кем түспейтініне және тіпті асып түсетініне кепілдік береді.
Компанияның 2022 жылғы қаржылық және операциялық нәтижелері де әсерлі болды - түзетілген таза пайда және түзетілген EBITDA өткен жылмен салыстырғанда айтарлықтай өсті, бұл Компанияның Директорлар кеңесіне 2022 жылдың нәтижелері бойынша дивидендтердің жалпы сомасын шамамен 200,97 миллиард теңге деп ұсынуға мүмкіндік берді, бұл өткен жылы төленген дивидендтермен салыстырмалы көрсеткіш.
Әлемдік экономика энергетикалық қауіпсіздікке ұмтылады және экологиялық таза атом энергетикасына көбірек сүйенеді. Ағымдағы экономикалық және геосаяси белгісіздіктер кезінде Компания бүкіл әлем бойынша өзінің халықаралық әріптестерімен және энергетикалық компанияларымен, соның ішінде Қазатомөнеркәсіп берік қарым-қатынас орнататын АҚШ, Еуропа және Азиядағы тұтынушылармен жұмыс істеуге әзірлігінен ауытқымайды, осылайша реакторлардың жұмысы үшін қажет уранның үздіксіз жеткізілуіне кепілдік береді.
«Қазатомөнеркәсіп қазіргі геосаяси жағдайдың қосымша қысымына қарамастан, әлемдік уран нарығында табысты нәтижелерді көрсетуді жалғастыруда. Украинадағы қақтығыс тезірек және бейбіт жолмен шешіледі деп үміттенеміз, - деп қосты Қазатомөнеркәсіптің тәуелсіз директоры және Директорлар кеңесінің төрағасы Нил Лонгфеллоу. Қазатомөнеркәсіптің серіктестеріне қатысты ықтимал санкцияларға байланысты мәселелерді талқылау шеңберінде қазақстандық табиғи уранды Ресеймен қисынсыз байланыстыру орын алуы ықтимал, бұл әрине жаңылыс болып табылады. Қазақстандық табиғи уран, Қазатомөнеркәсіппен немесе біздің Шығыс және Батыс әріптестерімізбен жеткізілетініне қарамастан, пайдаланылатын тасымалдау маршрутына қарамастан, межелі жеткізілетін жеріне жеткенге дейін өзінің шығу тегі мен меншік құқығын өзгертпейді. Ағымдағы санкциялық қысым қазақстандық табиғи уранды шектемеуі тиіс және Қазатомөнеркәсіп өзінің барлық міндеттемелерін орындауды жалғастырады және Компанияның сенімділігі мен адалдығына сенімділік көрсеткен өз клиенттеріне өнім жеткізуді қамтамасыз ете береді деген ниетінен айнымайды».
Акционерлердің жылдық жалпы жиналысы туралы хабарлама
«Қазатомөнеркәсіп» ҰАК» АҚ, орналасқан жері: Қазақстан Республикасы, Z05t1x3, Астана қ., Сығанақ к – сі, 17/12 ғимарат, осымен өз акционерлеріне «Қазатомөнеркәсіп» ҰАК» АҚ акционерлерінің жылдық жалпы жиналысын (бұдан әрі «АЖЖЖ» немесе «Жиналыс») сырттай нысанда өткізетіні туралы хабарлайды.
Акционерлердің жалпы жиналысының күн тәртібі:
- «Қазатомөнеркәсіп» ҰАК» АҚ-тың 2022 жылға аудиттелген жылдық қаржылық есептілігін (шоғырландырылған және жеке) бекіту туралы.
- 2022 жылғы шоғырландырылған таза табысты бөлу тәртібін бекіту туралы, қарапайым акциялар бойынша дивидендтер төлеу туралы шешім қабылдау және бір жай акцияға шаққандағы дивиденд мөлшерін бекіту туралы.
- «Қазатомөнеркәсіп» ҰАК» АҚ және оның лауазымды тұлғаларының іс-әрекеттеріне акционерлердің өтініштері және оларды қарау қорытындылары туралы ақпарат.
- «Қазатомөнеркәсіп» ҰАК» АҚ Директорлар кеңесі мен Басқарма мүшелеріне сыйақы мөлшері мен құрамы туралы ақпарат.
- Нәтижесінде «Қазатомөнеркәсіп» ҰАК» АҚ оның құны нәтижесінде оның активтерінің баланстық құнының жалпы мөлшерінің елу пайызынан астамы сатып алынатын немесе иеліктен шығарылатын (сатып алынуы немесе иеліктен шығарылуы мүмкін) мәміле туралы шешім қабылданған күнге «Қазатомөнеркәсіп» ҰАК» АҚ активтерінің баланстық құнының жалпы мөлшерінің елу пайызынан астамын құрайтын мүлікті сатып алатын немесе иеліктен шығаратын (сатып алуы немесе иеліктен шығаруы мүмкін) ірі мәміле, оның ішінде «CNNC Overseas Limited» компаниясымен табиғи уран концентраттарын сатып алу-сатудың ұзақ мерзімді шартын және табиғи уран концентраттарын сатып алу-сату жөніндегі өзге де мәмілелерді жасасуы туралы.
- «Қазатомөнеркәсіп» ҰАК» АҚ Жарғысына өзгерістер мен толықтырулар енгізу туралы.
- «Қазатомөнеркәсіп» ҰАК» АҚ Директорлар кеңесінің құрамы туралы.
«Қазатомөнеркәсіп» ҰАК» АҚ акционерлерінің жылдық жалпы жиналысын шақырудың бастамашысы - «Қазатомөнеркәсіп» ҰАК» АҚ Директорлар кеңесі. (2023 жылғы 6 сәуірдегі № 4/22 хаттама).
Сырттай дауыс беру нәтижелерін есептеу үшін бюллетеньдерді ұсыну басталатын күн - 2023 жылғы 17 мамыр.
Сырттай дауыс беру нәтижелерін есептеу үшін бюллетеньдерді қабылдау аяқталатын күн - 2023 жылғы 24 мамыр 18 сағат 00 минутқа дейін (Астана қ.уақыты бойынша).
Сырттай дауыс беру нәтижелерін есептейтін күн - 2023 жылғы 25 мамыр 18 сағат 00 минутқа дейін (Астана қ.уақыты бойынша).
Қоғам акционерлерінің жылдық жалпы жиналысына қатысуға құқығы бар акционерлердің тізімін жасау күні мен уақыты – 2023 жылғы 25 сәуір 00 сағат 00 минут (Астана қ.уақыты бойынша).
Қоғам Акционерлерінің жылдық жалпы жиналысының күн тәртібіндегі мәселелер бойынша материалдар Компания акционерлерінің жылдық жалпы жиналысы өткізілетін күнге дейін 10 (он) күннен кешіктірмей акционерлердің танысуы үшін дайын болады және «Қазатомөнеркәсіп» ҰАК» АҚ-тың Қазақстан Республикасы, Z05T1X3, Астана қ., Есіл ауданы, Сығанақ көшесі, 17/12 ғимарат, 18-қабат, 11 - кабинеттен, жұмыс күндері сағат 9-00-ден18-00-ге дейін қолжетімді болады (Астана қ. уақытымен). Қоғам акционерінің сұрау салуы болған кезде Қоғам акционерлерінің жылдық жалпы жиналысының күн тәртібіндегі мәселелер бойынша материалдар сұрау салуды алған күннен бастап 3 (үш) жұмыс күні ішінде осындай акционерге жіберілетін болады, бұл ретте құжаттардың көшірмелерін дайындауға және құжаттарды жеткізуге арналған шығыстарды акционер көтереді. Акционерлердің сауалдары Қоғамның орналасқан жері бойынша Қазақстан Республикасының заңнамасында белгіленген тәртіппен қабылданады.
«Қазатомөнеркәсіп» ҰАК» АҚ акционерлерінің жылдық жалпы жиналысы «Акционерлік қоғамдар туралы» Қазақстан Республикасының 2003 жылғы 13 мамырдағы № 415-II Заңының (бұдан әрі – «Акционерлік қоғамдар туралы»заң) 35-52-баптарына сәйкес өткізіледі.
Алдағы жиналыс туралы хабарлама, сондай-ақ сырттай дауыс беруге арналған бюллетень Компанияның интернет-ресурсында «Акционерлік қоғамдар туралы» заңға және Компанияның Жарғысына сәйкес қолжетімді болады.
Дауыс беруді өткізу тәртібі
Сырттай дауыс беру үшін бюллетень жіберу арқылы дауыс беретін акционерлер тегін, атын, әкесінің атын / заңды тұлғаның атауын, дауыс беретін акциялардың санын көрсетуі және дауыс беру нұсқаларының бірін таңдауы тиіс.
Сырттай дауыс беруге арналған бюллетеньге жеке тұлға - акционер (жеке тұлға - акционердің өкілі) оның жеке басын куәландыратын құжат туралы мәліметтерді (жеке куәлігінің/паспортының нөмірі, берілген күні, құжатты берген орган және жеке сәйкестендіру нөмірі (ЖСН)) көрсете отырып, қол қоюға тиіс. Акционер сондай-ақ жеке басын куәландыратын құжаттың көшірмесін ұсынуы тиіс.
Егер акционерлердің - заңды тұлғалардың атынан акционерлердің жалпы жиналысына олардың жеке-дара атқарушы органдары қатысатын болса, онда олар лауазымға сайланғаны немесе тағайындалғаны туралы құжаттардың көшірмелерін, сондай-ақ жеке басын куәландыратын құжаттың көшірмесін ұсынуға міндетті.
Заңды тұлға – акционердің сырттай дауыс беруіне арналған бюллетеньге оның басшысы (жеке тұлға-акционердің өкілі) қол қоюға тиіс.
Жеке тұлға – акционердің не заңды тұлға – акционер басшысының немесе жеке тұлға - акционер өкілінің не заңды тұлға - акционер өкілінің қолы қойылмаған бюллетень жарамсыз деп есептеледі.
Бюллетеньде дауыс беру нұсқаларының біреуі ғана белгіленуі тиіс.
Сырттай дауыс беруге арналған бюллетеньді «Қазатомөнеркәсіп» ҰАК» АҚ-тың Қазақстан Республикасы, Z05Т1Х3, Астана қаласы, Есіл ауданы, Сығанақ көшесі, 17/12 ғимарат мекенжайында орналасқан кеңсесіне - 2023 жылғы 24 мамырда 18 сағат 00 минутқа дейін (Астана қаласының уақыты бойынша) қолма-қол ұсынылуы тиіс.
Акционердің өкілі сырттай дауыс беруге арналған бюллетеньге қол қойған жағдайда, сырттай дауыс беруге арналған бюллетеньге акционер өкілінің өкілеттігін растайтын сенімхаттың немесе өзге де құжаттың көшірмесі қоса беріледі.
Дауыстарды санау кезінде акционер (акционердің өкілі) бюллетеньде белгіленген дауыс беру тәртібін сақтаған және дауыс берудің тек бір ғана ықтимал нұсқасын белгілеген мәселелер бойынша дауыстар ескеріледі.
«Қазатомөнеркәсіп» ҰАК» АҚ акционерлерінің жалпы жиналысы, егер барлық бюллетеньдер берілген күні не бюллетеньдер беру мерзімі аяқталған күні оған қатысуға және дауыс беруге құқығы бар акционерлердің тізіміне енгізілген, жиынтығында компанияның дауыс беретін акцияларының елу және одан да көп пайызын иеленетін акционерлер (акционерлердің өкілдері) тіркелген болса, күн тәртібіндегі мәселелер бойынша шешімдерді қарауға және қабылдауға құқылы.
«Қазатомөнеркәсіп» ҰАК» АҚ акционерлерінің жылдық жалпы жиналысына қатысуға және онда дауыс беруге құқығы бар «Қазатомөнеркәсіп» ҰАК» АҚ акционерлерінің тізімін «Қазатомөнеркәсіп» ҰАК» АҚ акцияларын ұстаушылар тізілімдерінің жүйесі деректерінің негізінде «Бағалы қағаздардың орталық депозитарийі» АҚ жасайды.
Егер акционерлердің жалпы жиналысына қатысуға және онда дауыс беруге құқығы бар акционерлердің тізімі жасалғаннан кейін осы тізімге енгізілген тұлға қоғамның өзіне тиесілі дауыс беретін акцияларын иеліктен шығарса, Акционерлердің жалпы жиналысына қатысу құқығы жаңа акционерге ауысады. Бұл ретте акцияларға меншік құқығын растайтын құжаттар ұсынылуы тиіс.
«Қазатомөнеркәсіп» ҰАК» АҚ акционерінің «Акционерлік қоғамдар туралы» 2003 жылғы 13 мамырдағы № 415-II Қазақстан Республикасының Заңында және (немесе) Қоғамның Жарғысында көзделген тәртіппен қоғамды басқаруға қатысуға құқығы бар.
Жаһандық депозитарлық қолхаттарды ұстаушылар Депозитарий (Citibank N. A.) арқылы «Бағалы қағаздардың орталық депозитарийі» АҚ бенефициарлық иелеріне қатысты қолданыстағы қазақстандық заңнамаға сәйкес талап етілетін сәйкестендіру және басқа ақпаратты ұсынған жағдайда депозитке салынған акцияларға қатысты бенефициарлық иелердің атынан «Қазатомөнеркәсіп» ҰАК» АҚ акционерлерінің жалпы жиналыстарында дауыс беруге құқығы бар.
Материалдар бойынша, сондай-ақ акционерлердің жылдық жалпы жиналысын өткізу бойынша сұрақтарға жауаптарды жұмыс уақытында мына телефон арқылы +7 (7172) 45 81 63 не болмаса «Қазатомөнеркәсіп» ҰАК» АҚ мекенжайына жазбаша сұрау жіберу арқылы алуға болады.
Қазатомөнеркәсіптің 2022 жылғы дивидендтері бойынша ұсынымдар
Дивидендтер төлеу туралы шешім акционерлердің 2023 жылғы 25 мамырдағы жиналысында мақұлдануы тиіс. 2022 жылғы аудиттелген қаржылық көрсеткіштердің негізінде Директорлар кеңесі 2022 жылға төленетін 774,88 теңге сомасында бір қарапайым акцияға (бір ЖДҚ бір жай акцияға тең) дивиденд мөлшерін ұсынды. Осылайша, дивидендтердің жалпы сомасы шамамен 200,97 миллиард теңгені құрайды, бұл Компанияның дивидендтік саясатына сәйкес бос ақша ағынының 75% - дан астамын құрайды. АЖЖЖ мақұлданған жағдайда, 2022 жылдың қорытындысы бойынша дивидендтер төлеу 2023 жылғы 17 шілдеден бастап акционерлер тізілімінде тіркелген тұлғаларға 2023 жылғы 14 шілдедегі жағдай бойынша жергілікті уақыт бойынша 00 сағат 00 минут (GMT+6) басталады.
2022 жылғы шілдеде Компания өз акционерлеріне 2021 жылғы қызмет қорытындылары бойынша 227,4 миллиард теңге мөлшерінде дивидендтер төледі, оған Компанияның 2021 жылғы дивидендтік саясатына сәйкес шоғырландырылған бос ақша ағынын есептеу құрамында «Орталық» ӨК» ЖШС-гі Топтың 49% үлесін сатудан түскен түсімдер кірді.
Қазатомөнеркәсіптің Директорлар кеңесінің құрамы
Компанияның Директорлар кеңесінің ағымдағы құрамы Компания акционерлерінің жылдық жалпы жиналысының 2020 жылғы 18 мамырдағы шешімімен 3 жыл мерзімге сайланды.
2023 жылы Қоғамның Директорлар кеңесінің қолданыстағы құрамының өкілеттік мерзімінің аяқталуын назарға ала отырып, сондай-ақ Қоғамның басқару органының үздіксіз қызметін қамтамасыз ету мақсатында алдағы АЖЖЖ-да Қоғамның Аға тәуелсіз директоры Бэнхам Рассел Френсисті қоспағанда, Компанияның 7 адамнан тұратын Директорлар кеңесінің мүшелерін сол құрамда сайлау және өкілеттік мерзімін – 3 жыл деп белгілеу ұсынылады.
Компанияның Директорлар кеңесінің төрағасы етіп Директорлар кеңесінің мүшесі – Лонгфеллоу компаниясының тәуелсіз директоры Нил Чарльзды сайлау ұсынылады.
Лонгфеллоу Нил Чарльз 2017 жылғы 8 тамыздан бастап Компанияның Директорлар кеңесінің мүшесі және 2020 жылдың 18 мамырынан бастап Компанияның Директорлар кеңесінің төрағасы. Лонгфэллоу мырза әр жылдары British Nuclear Fuels Limited, Westinghouse Electric Company және Costain PLC компанияларында басшылық қызметтерде жұмыс істеді және 2015 жылдан бастап Халықаралық ядролық секторда тәуелсіз кеңесші болып табылады.
Қазатомөнеркәсіптің 2022 жылғы интеграцияланған жылдық есебі
Директорлар кеңесі Қазатомөнеркәсіптің Лондон қор биржасының, Astana International Exchange (AIX) биржасының және Қазақстан қор биржасының листингтік қағидаларының талаптарына сәйкес, сондай-ақ жаһандық есептілік бастамасының (GRI) орнықты даму саласындағы есептілік стандартына және Компанияның ішкі нормативтік құжаттарына сәйкес әзірленген 2022 жылғы 31 желтоқсанда аяқталған жылға арналған шоғырландырылған жылдық есебін (бұдан әрі – ШЖЕ) бекітті. Қор биржаларының листингтік ережелерінің талаптарына сәйкес ШЖЕ мәтіндік нұсқасы Компанияның интернет-ресурсында 2023 жылғы 30 сәуірден кешіктірілмей жарияланатын болады. ШЖЕ-нің толық электрондық нұсқасы Компанияның интернет-ресурсында 2023 жылғы 30 маусымнан кешіктірмей қолжетімді болады.
Қосымша ақпарат алу үшін хабарласуға болады:
Акционерлердің кезектен тыс жалпы жиналысының мәселелері бойынша
Асем Мухамедьярова, Корпоративтік хатшы
Тел: +7 7172 45 81 63
Email: amukhamedyarova
kazatomprom.kz
Инвесторлармен өзара іс-қимылға байланысты мәселелер бойынша
Еран Мағзұмов, IR департаментінің директоры
Тел: +7 7172 45 81 80 / 69
Email: irkazatomprom.kz
Қоғаммен байланыс және БАҚ сұратулары бойынша
Сабина Кумурбекова, GR және PR департаментінің директоры
Ғажайып Күмісбек, GR және PR департаментінің бас сарапшысы
Тел: +7 7172 45 80 22
Email: prkazatomprom.kz
Осы хабарландырудың көшірмесін www.kazatomprom.kz алуға болады.
Қазатомөнеркәсіп туралы
Қазатомөнеркәсіп - 2021 жылы әлемдік бастапқы уран өндірудің жиынтық көлемінен шамамен 24% - ы мөлшерінде компанияның қатысу үлесіне барабар табиғи уран өндіретін әлемдегі ең ірі уран өндіруші. Топтың саладағы ең ірі резервтік уран базасы бар. Қазатомөнеркәсіп еншілес, тәуелді және бірлескен ұйымдармен бірге 14 уран өндіруші кәсіпорынға біріктірілген 26 кен орнын игеруде. Барлық уран өндіруші кәсіпорындар Қазақстан Республикасының аумағында орналасқан және уран өндіру кезінде денсаулық сақтауды, өнеркәсіптік қауіпсіздікті және қоршаған ортаны қорғауды бақылаудың озық практикалары мен құралдарына (ISO 45001 және ISO 14001 сертификатталған) ерекше назар аудара отырып, жерасты ұңғымалық шаймалау технологиясын қолданады.
Қазатомөнеркәсіптің бағалы қағаздары Лондон қор биржасында, Astana International Exchange биржасында және Қазақстан қор биржасында орналастырылған. Қазатомөнеркәсіп Қазақстан Республикасының Ұлттық атом компаниясы болып табылады және топтың негізгі клиенттері - атом өндіруші қуаттардың операторлары, ал өнімдер үшін негізгі экспорттық нарықтар - Қытай, Оңтүстік және Шығыс Азия, Солтүстік Америка және Еуропа. Топ уран және уран өнімін жеткізуді ұзақ және қысқа мерзімді келісімшарттар бойынша, сондай-ақ споттық нарықта тікелей Астана қаласында орналасқан корпоративтік орталығынан немесе Швейцариядағы еншілес сауда компаниясы Тrading House KazakAtom (THK) арқылы жүзеге асырады.
Қосымша ақпарат алу үшін біздің www.kazatomprom.kz интернет-ресурсымызға кіріңіз.
Болашаққа қатысты мәлімдемелер
Осы хабарға немесе құжатқа енгізілген тарихи фактінің мәлімдемелерінен басқа барлық мәлімдемелер болашаққа қатысты мәлімдемелер болып табылады. Болашаққа қатысты мәлімдемелер компанияның қаржылық жағдайына, қызмет нәтижелеріне, жоспарларына, мақсаттарына, болашақ нәтижелері мен қызметіне қатысты ағымдағы үміттері мен болжамдарын көрсетеді. Мұндай мәлімдемелерде «мақсат», «санаймыз», «күтіледі», «ниеттенеміз», «мүмкін», «болжаймыз», «бағалаймыз», «жоспар», «жоба», «болады» деген, бірақ олармен шектелмейтін, «болуы мүмкін», «мүмкін», «керек», «мүмкін» және ұқсас мағынадағы басқа сөздер мен терминдер немесе олардың теріс формалары сияқты сөздері бар мәлімдемелер қолданылуы мүмкін.
Болашаққа қатысты мұндай мәлімдемелерге белгілі және белгісіз сын-қатерлер, белгісіздіктер және Компанияға байланысты емес басқа да маңызды факторлар кіреді, бұл Компанияның нақты нәтижелері, көрсеткіштері немесе жетістіктері болашаққа қатысты осындай мәлімдемелермен көрсетілген немесе болжанған күтілетін нәтижелерден, көрсеткіштерден немесе жетістіктерден айтарлықтай ерекшеленуі мүмкін. Болашаққа қатысты мұндай мәлімдемелер компанияның қазіргі және болашақ бизнес стратегиясына және оның болашақта жұмыс істейтін жағдайларына қатысты көптеген болжамдарға негізделген.
ОСЫ ҚҰЖАТТА ҚАМТЫЛҒАН БОЛЖАМДАРҒА ҚАТЫСТЫ АҚПАРАТ БОЛАШАҚ ОҚИҒАЛАР ТУРАЛЫ БІРҚАТАР БОЛЖАМДАРҒА НЕГІЗДЕЛЕДІ ЖӘНЕ АЙТАРЛЫҚТАЙ ЭКОНОМИКАЛЫҚ ЖӘНЕ БӘСЕКЕЛЕСТІК БЕЛГІСІЗДІККЕ ЖӘНЕ БАСҚА КОНВЕНЦИЯЛАРҒА ҰШЫРАУҒА БЕЙІМ, ОЛАРДЫҢ ЕШҚАЙСЫСЫН СЕНІМДІ ТҮРДЕ БОЛЖАУ МҮМКІН ЕМЕС ЖӘНЕ ОЛАРДЫҢ КЕЙБІРЕУЛЕРІ КОМПАНИЯНЫҢ БАҚЫЛАУЫНАН ТЫС. БОЛЖАМДАРДЫҢ ОРЫНДАЛАТЫНЫНА КЕПІЛДІК ЖОҚ ЖӘНЕ НАҚТЫ НӘТИЖЕЛЕР КӨРСЕТІЛГЕННЕН ЖОҒАРЫ НЕМЕСЕ ТӨМЕН БОЛУЫ МҮМКІН. КОМПАНИЯДА ЕШКІМ - ОНЫҢ АКЦИОНЕРЛЕРІ ДЕ, ДИРЕКТОРЛАРЫ ДА, ЛАУАЗЫМДЫ ТҰЛҒАЛАРЫ ДА, ҚЫЗМЕТКЕРЛЕРІ ДЕ, КЕҢЕСШІЛЕРІ ДЕ, ҮЛЕСТЕС ТҰЛҒАЛАРЫ ДА, ҚАНДАЙ ДА БІР ӨКІЛДЕРІ ДЕ, ЖОҒАРЫДА АТАЛҒАН ҮЛЕСТЕС ТҰЛҒАЛАРЫ ДА-ОСЫ ҚҰЖАТТА ҰСЫНЫЛҒАН БОЛЖАМДАРДЫҢ ДҰРЫСТЫҒЫНА ЖАУАП БЕРМЕЙДІ.
Болашаққа қатысты мәлімдемені қоса алғанда, осы хабарламада немесе құжатта қамтылған ақпарат осы құжаттың күніне ғана қолданылады және болашақ нәтижелерге қатысты қандай да бір кепілдіктер беруге арналмаған. Компания қаржылық деректерді немесе болжамды мәлімдемелерді қоса алғанда, осындай ақпараттың жаңартуларын немесе өзгерістерін тарату жөніндегі қандай да бір міндеттемелерден біржақты бас тартады және Компанияның күтулеріндегі өзгерістер, болашаққа қатысты осындай мәлімдемелер негізделген оқиғалардағы, шарттардағы немесе жағдайлардағы өзгерістер немесе осы құжаттың күнінен кейін туындайтын басқа да оқиғалар немесе мән-жайлар нәтижесінде туындайтын ақпаратқа ол енгізе алатын қандай да бір өзгерістерді ашық түрде жарияламайды.