«Қазатомөнеркәсіп» ҰАК» акционерлік қоғамы жүргізіп отырған трансформациялау бағдарламасының мақсаты - Компанияның барынша ұзақмерзімдік акционерлік құнына, рентабельділікке және қаржылық тұрақтылыққа қол жеткізу.

«Қазатомөнеркәсіп» ұлттық атом компаниясы» акционерлік қоғамында өзгерістер келесі бағыттар бойынша жүргізіледі:

• Корпоративтік құрылымды және корпоративтік үдерістерді жетілдіру;
• Техникалық және технологиялық трансформация;
• Кадр саясатын жетілдіру.

Трансформациялау бағдарламасы техникалық және технологиялық жабдықталу бойынша Компанияның бүгінгі күннің өзінде-ақ халықаралық уран өндіруші озық компаниялармен бір қатарға тұруына мүмкіндік береді.

Трансформациялау Компаниядағы процесстерді бір жерге жинақтап, сипаттауға және реттеуге (мемлекетпен өзара іс-әрекеттер деңгейінен бастап, Компания ішіндегі құрылымдық бөлімшелердің өзара қарым-қатынастары деңгейіне дейін), ақпараттық технологияларды «тексерістен өткізуге», оның ішінде деректерді бірыңғай анықтамалықтарға шоғырландыруға мүмкіндік береді.